Необычайное путешествие в Древнюю Русь. Грамматика древнерусского языка для детей - Татьяна Леонидовна Миронова

же таковое видение и слышавъ таковый гласъ от мученику, Пелугий стояше трепетенъ, дондеже насадъ отъиде от очию его.

Потомь скоро поеде Александръ, онъ же, видѣвъ князя Александра радостныма очима, исповѣда ему единому видѣние. Князь же рече ему: «Сего не рци никому же».

Оттолѣ потщавъся наеха Александръ на ня въ 6 часъ дне, и бысть сѣча велика надь Римляны, и изби их множество бесчислено, и самому королю возъложи печать на лице острымь своимь копиемь.

Здѣ же явишася 6 мужь храбрыхъ съ самѣмъ съ нимь ис полку его.

Единъ именемъ Таврило Олексичь. Се наѣха на шнеку, видѣвъ королевича, мча подь руку, и възъѣха по досцѣ и до самого корабля, по ней же хожаху съ королевичемь, иже текоша передь нимь, а самого, емше, свергоша и съ конемь въ воду з доскы. И Божьею милостью невреженъ бысть, и пакы наѣха, и бися съ самѣмь воеводою середи полку ихъ.

Другый — именемь Сбыславъ Якуновичь, новгородець. Се наѣха многажды на полкъ ихъ и бьяшеся единѣмь топоромь, не имея страха въ души своей, и паде нѣколико от руку его, и подивишася силѣ и храбръству его.

Третий — Яковъ, родомь полочанинъ, ловчий бѣ у князя. Се наѣxa на полкъ съ мечемь, и похвали его князь.

Четвертый — новгородець, именемь Мѣша. Се пѣшь натече на корабли и погуби 3 корабли з дружиною своею.

Пятый — от молодыхъ его, именемь Сава. Ce въѣха въ шатеръ великый королевъ золотоверхый и подъсѣче столпъ шатерный. Полци Олександрови, видѣвши шатра паденье, възрадовашася.

Шестый — от слугъ его, именемь Ратмѣръ. Се бися пѣшь, и оступиша его мнози. Он же от многыхъ рань паде и тако скончася. Си же вся азъ слышахъ от господина своего великаго князя Олександра и от инѣхъ, иже въ то время обрѣтошася въ той сѣчи.

Князь же Александръ возвратися съ побѣдою, хваля и славя имя своего Творца.

Во второе лѣто по возвращении съ побѣды князя Александра приидоша пакы от Западный страны и возградиша градь въ отечьствѣ Александровѣ. Князь же Александръ въскорѣ иде и изверже градь ихъ до основания, а самѣхъ извѣша и овѣхъ съ собою поведе, а инѣхъ, помиловавъ, отпусти, бѣ бо милостивъ паче мѣры.

По побѣдѣ же Александровѣ яко же побѣди короля, въ третий годь, въ зимнее время, поиде на землю немецькую въ велицѣ силѣ, да не похваляться, ркуще: «Укоримъ Словеньскый языкъ ниже себе».

Уже бо бяше градь Псковъ взять и намѣст от немець посажени. Онъ же въсκорѣ градь Псковъ изгна и немець изсѣче, а инѣхъ повяза и градь свободи от безбожныхъ немець, а землю ихъ повоева и пожьже и полона взя бес числа, a овѣхъ nocѣчe. Они же, гордии, совокупишася и рекоша: «Поидемъ и noбѣдимъ Александра и имемъ его рукама».

Егда же приближишася, и очютиша я стражие. Князь же Александръ ополчися, и поидоша противу себе, и покрыша озеро Чюдьское обои от множества вой. Отець же его Ярославъ прислалъ ему брата меньшаго Андрѣа на помощь въ множесτвѣ дружинѣ. Тако же и у князя Александра множество храбрыхъ, яко же древле у Давыда царя силнии, κρѣщии. Тако и мужи Александровы исполнишася духомь ратнымь, бяху бо сердца ихъ, акы сердца львомъ, и рѣша: «О княже нашь честный! Нынѣ приспѣ время намъ положити главы своя за тя». Князь же Александръ воздѣвъ руцѣ на небо и рече: «Суди ми, Боже, и разеуди прю мою от языка непреподобна и помози ми, Господи».

Бѣ же тогда субота, въеходящу солнцю, и съступишася обои. И бысть сѣча зла, и трусь от копий ломления, и звукъ от сѣчения мечьнаго, яко же и езеру померзъшю двигнутися, и не бѣ видѣти леду, покры бо ся кровию.

Се же слышахъ от самовидьца, иже рече ми, яко видѣхъ полкъ Божий на воздусѣ, пришедши на помощь Александрови. А тако побѣди я помощию Божиею, и сѣчахуть я, гоняще, и не бѣ камо утещи. Зде же прослави Богъ Александра предь всѣми полкы, яко же Исуса Навина у Ерехона. А иже рече, имемъ Александра руками, сего дасть ему Богъ въ руцѣ его. И не обрѣтеся противникъ ему въ брани никогда же. И возвратися князь Александръ съ побѣдою славною, и бяше множество полоненыхъ въ полку его, и ведяхуть босы подле коний, иже именують себе божии ритори.

И яко же приближися князь ко граду Пскову, игумени же и Попове и весь народъ срѣтоша его предъ градомь съ кресты, подающе хвалу Богови и славу господину князю Александру, поюще пѣснь: «Пособивый, Господи, кроткому Давыду побѣдити иноплеменьникы и вѣрному князю нашему оружиемь крестнымь и свободи градъ Псковъ от иноязычникъ рукою Александровою».

И нача слыти имя его по всѣмъ странамъ.

Въ то же время бѣ царь силенъ на Въсточнѣй странѣ, иже бѣ ему Богъ покорилъ языкы многы, от въстока даже и до запада. Тъй же царь, сльпнавъ Александра тако славна и храбра, посла къ нему послы и рече: «Александре, вѣси ли, яко Богъ покори ми многы языкы. Ты ли единъ не хощещи покорити ми ся? Но аще хощеши съблюсти землю свою, то приеди скоро къ мнѣ и видиши честь царства моего».

Князь же Александръ прииде въ Володимеръ по умертвии отца своего в силѣ велицѣ. И бысть грозенъ приездъ его, и промчеся вѣсть его и до устья Волгы. И начаша жены моавитьскыя полошати дѣти своя, ркуще: «Александръ едеть!»

Съдумавъ же князь Александръ, и благослови его епископъ Кирилъ, и поиде къ цареви въ Орду. И видѣвъ его царь Батый, и подивися, и рече велможамъ своимъ: «Истину мнѣ сказасте, яко нѣсть подобна сему князю». Почестивъ же и честно, отпусти его.

По сѣмъ же разгнЬвася царь Батый на брата его меньшаго Андрѣя и посла воеводу своего Неврюня повоевати землю Суждальскую. По пленении же Неврюневѣ князь великый Александръ церкви въздвигну, грады исполни, люди распуженыя събра въ домы своя. О таковыхъ бо рече Исайя пророкъ: «Князь благъ въ странахъ — тихъ, увѣтливь, кротокъ, съмѣренъ, по образу Божию есть». Не внимая богатьства и не презря кровь праведничю, сиротѣ и вдовици въправду судяй, милостилюбець, благъ домочадцемъ своимъ и вънѣшнимъ от странъ приходящимъ кормитель. На таковыя Богъ призираеть, Богъ бо не аггеломъ любить, но человѣκомъ си щедря ущедряеть и показаеть на мирѣ милость свою.

Распространи ясе Богъ землю его богатьствомь и славою, и удолжи Богъ лѣть ему.

Бѣ же тогда нужда велика от иноплеменникъ, и гоняхуть христианъ, веляще съ собою воиньствовати. Князь же великый Александръ