Хожение за три моря - Афанасий Никитин

Белице дни, а с ним выѣхало 26 возыревъ бесерменскихъ и индѣйских да двора его 100 000 рати конные, а 200 000 пѣших, да 300 слоновъ в доспѣсех з городки, да 100 лютых звѣрей о двою чѣпях. А з братомъ с султановым вышло двора егое[1337] тысячь конных да 100 000 пѣших людей, да 100 слоновъ наряженых в доспѣсех. За Малханомъ вышло двора его 20 000 конных да пѣшихъ 60 000, да 20 слонов. 3 Бедерханом вышло двора его 30 000 конных да 100 000 пѣших, да слоновъ 25 нарядныхъ з городки. С султаномъ вышло 10 000 конных да пѣшихъ 20 000, да слонов 10 з городки. С Возырханом вышло 15 000 конных да 30 000 пѣших, да слоновъ 15 наряжены з городки. С Кутарханом вышло двора его 15 000 конныхъ да 40 000 пѣших, да 10 слоновъ. Да со всякимъ возырем по 10 000 конных, || а пѣших по 20 000 и болши. А с ындѣйским авдоном вышло рати конныхъ 40 000, а пѣших 100 000, да 40 слоновъ в доспѣсех наряженых, да по 4 человѣки на слонѣ с пищалми. На индѣян же салтанъ опалился, что мало с ним и с воеырями вышло силы индѣйскыяа[1338], и онъ прибавилъ. Такова есть сила султана индѣйскаго бесерменскагоб[1339].

В пятый же Великъ день взмыслился есмь на Русь. Изыдох же из Бедеря града за мѣсяцъ до улу багрима бесерменскагов[1340] Мамет дени росолялъ; а Велика дни християнскагог[1341] не вѣдаю, говейно бо говѣхъ з бесермены и розговѣхся с ними. Великий день взяхъ в Келберху, от Бедеря 20 ковов.

л. 420 об.

Султан же пришелъ с ратными людми своими до меликтучара в 15 день по улу багрямѣ, а все Келбергу; и война ся имъ не удала, город единъ индѣйский взялъ, а людей и казны много изгибло. А индѣйской султанъ кадам ратию силенъ, зѣло много у него рати; а сидитъ в горѣ в Биченегирѣ, и град его велми великъ; около же его 3д[1342] роги, и сквозѣ его рѣка течет, и едину страну его женгѣль злый, а з другую страну дол и мѣста чюдна и угодна велми, и пройти некуды ни на одну страну, сквозѣ град дорога, а града взяти нѣоткуды, пришла гора велика, да деберь зла тикенъ. И стояла рать под градом мѣсяцъ, и людейе[1343] з голоду и з безводия погибло много, потому что на воду смотря, а взять нельзѣ. Град же взялъ индѣйский Меликъчанъ, а взялъ его силою, день и нощь бился, стоял под градом 20 дний, и рать ни пила, ни ѣла, и ратиж[1344] изгибло 5000 люду добраго; а стоялъ с пушками и взял градъ, высѣкъ по головам 20 000, а другую 20 000 ||полону взялъ, а иной полон продавал дешево, по 10 и по 5, и по 2 тенки; а казны не было ничево; а большаго града не взял.

А от Келберху поидохъ до Курулиа[1345]; туб[1346] же родится ахикъ, и ту его дѣлаютъ на весь свѣтъ, и оттуду его розвозят. В Курыли же алмазниковъ 300 сулях микунѣтъ. Бых же тут 5 мѣсяцъ и поидох оттолѣ х Каликыв[1347], ту есть базар велми великъ. А оттуду поидох до Канаберга, а оттуду к ших Аладину, и оттолѣ каг[1348] Аминдрие, а оттолѣ к Нарясу, оттуду же к Сури, а оттуду к Дабили, пристанищу великагод[1349] моря Индѣйскагое[1350].

Ту был град великъ, и съѣзжается вся помория Индѣйская и Ефиопская. И ту аз, окаянный Афонасие, призвав бога вышняго, творца небу и земли, и устремихся умом поитти на Русь; и внидох в таву, и зговорихъ о нал онѣ корабленемж[1351], от своея головы 2 золотых до Гурмыза града. Внидохом же в корабль в Дабыли граде до Велика дни за 3 мѣсяца бесерменскагоз[1352] говѣйна; а морем идох мѣсяцъ, и увидѣлии[1353] горы ефиопъския. И ту людие вси воскричаша ик[1354] глаголюще: «Боже вышний, царю небесный! Здѣ ли нам судилъ еси погибнути?»

л. 421

И быхом в той землил[1355] Ефиопской 5 дний, и божиею благодатию зло ся не учинило; много роздаша брынцу, да перцу, да хлѣбым[1356] ефиопомъ, и они судна не пограбили. Оттолѣ же вдохомъ 12 дний до Мошката; и ту в Мошкате 6‑й Великъ день взяхъ. И вдохом до Гурмыза 9 дний, а в Гурмызѣ быхъ 20 дний. И оттолѣ поидох к Лари и бых 3 дни; и поидохъ к Ширязи, а из Ширяза поидох в Вергу, и ту бых 10 дний; а оттолѣ къ Езди, ин[1357] ту идох 9 дний, ||а въ Ъзди бых 8 дний; и потом идох къ Испагани 5 дний, и бых тутъ 6 дний; а оттолѣ идох до Кашани, и быхом 5 дний, а из Кашани вдохъ к Куму, а оттуду в Саву, а из Савы в Султанию, а оттуду в Тевриз. Оттуду же в Орду Асанбѣ, въ Ордѣ же бысть 10 дний, потому что никуды пути нѣтъ. А на Турскавъ посла ратиа[1358] своей 40 000; и они Севастъ, и Тоханъ, и Амасию взяли, и много селъ пограбили, да пошли на Караманъ, воюючи. И яз изъ Орды пошел къ Арцыцыну, а из Арцыцына пошел есми в Трапизонъ.

И ту взялъ Покровъ пресвятые Богородицы, и был 5 дний. И на корабль приидохъ и сговорих о нал онѣ дати золотой от меня доКафы. В Трапезоне же мнѣ шубашь да паша много зла учиниша: хлам мой весь взнесли к собѣб[1359] в город нав[1360] гору, да обыскали все; а обыскиваютъ грамотъ, что есми пришел из Орды Асанбѣга.

Божиею милостию приидохъ до 3 моря Чермнаго, а парсийским языком дория Стимболскаяг[1361]. Идохом же по морю вѣтром 5 дний и доидох до Вонады. И ту нас встрѣтил вѣтръ великий полунощный и возвратил нас к Трапезонуд[1362]. И стояли есмя в Платавѣе[1363] 15 дний, вѣтру бо велику и злу бывшу. И ис Платаны пошли на море дважды, вѣтръ нас встрѣчаетъ и не дастъ нам по морю ходити, и туто призывали бога на помощь. И занесло нас к Балыкаее, а оттуду Тъкрзофуж[1364], и ту стояли 5 дний. И божиего милостию приидохъ в Кафу за 9 дний до Филипова заговѣйна.

Доздѣ о индѣйскомъ хожении Афанасием Тверитином, и возвратимся на преднее.

Перевод[1365]

[Хожение за три моря Афанасия Никитина]

В год 6983/1475/