Скифская история. Издание и исследование А. П. Богданова - Андрей Иванович Лызлов

христианы и || (л. 199) турки тяжцей брани чрез немалое время. Еже видев некто от сербских ратник, благородный воин и верный слуга деспота Лазаря, Милош имянем[1579] [к тому имый поречение на себе, якобы неверно служит деспоту], хотящи верность свою показати и брани конец победою соделати, умысли таковая.

Побеже ис полков своих к полком Амуратовым, якобы бегая являяся от своих ко оным. Еже видевши полки Амуратовы, раступишеся путь свободный ему оставиша. Той же близ быв гордаго Амурата, воздвигши меч, прободе мучителя в сердце; иныя историки пишут, яко копием прободе его.

Но или тако, или инако, обаче на месте том дивный той слуга и знаменитый победоносец мертва показует Амурата султана, идеже и сам убиен бысть знаменитый и вечныя славы достойный благородный он воин[1580]. И того ради возмогают сущии с Лазарем христиане, воспещают полки волков кровопийственных и гонят доволно.

Потом сын Амуратов Баозит имянем, приспев тамо с || (л. 199 об.) помощными полки, возновляет жесточайшую брань и своих бегущих возвращает. И тако зело отягчися брань на христианы от турков, яко едва не вси избиени быша и трупием на месте том падоша, паче же егда сам благочестивый мужественный деспот Лазарь убиен бысть. И тако прият кончину блаженную страданием мученическим. Бысть сия брань лета 6885‑го иуния в 15 день[1581].

Последи Амурата султана осташася два сына, оба достойни царству, Солиман[1582] и Баозит. Солиман начат во Асии пространно обладати, а Баозит по смерти отца своего и по оной победе в Европе повелителствова. Пребысть же султан Амурат двадесять седмь лет на обладании у турков.

Баозит, 4-й султан турецкий

По убиении от сербов султана Амурата и по оной победе Баозит[1583] сын ево спе-||(л. 200) шно возвращается на восток, еже бы сести на престоле отца своего, и отовсюду царство утвердити, и покорити Турскую страну [бяше бо остраго разума и ко всякому делу желателный и дерзновенный]. Но тамо брат его Солиман прежде обладати начат и идяше противо ему бранию[1584]. Но обаче Солиман побежден бысть с воинством и сам таможде паде[1585].

И тако Баозит един в Европе и Асии облада и распространяше крепостию и силою пределы обладательства своего, во Фракии около Константинополя воюющи. Потом на Греческия страны воинство обрати и облада Македониею, и Селунскою страною[1586], и Афинами[1587].

Потом посылает в Сербскую страну к деспоту Стефану сыну Лазареву[1588], покорения и дани прося, к тому и сестры его имянем Оливеры в жену себе, обещаяся в сына место имети его и области Сербския не воевати, но соблюдати. Мати же деспота Стефана, советовав о том со всеми своими, даде дщерь свою Баозиту, дабы тем могла соблюстися страна их невоеванна[1589].

На царственный же Константинополь отягчаше || (л. 200 об.) бранию, и пришед пленяше около града, поля, винограды, вертограды и предградия пожигающи, яко бысть во граде презелный глад[1590] и народ затворенный во граде тако от него погибаху[1591], яко нецыи убозии мужие, не стерпевше таковыя бедственныя нужды, нощию из града избегаху и в полки турецкия прихождаху. И тако Баозит осмь лет ратова град, яко мнози уже поддатися хотяху ему[1592].

Царь же Мануил[1593], видев таковое бедство, принудися сам ити из Константинополя во Италию, в Рим к папе, и во Францыю, просящи помощи ко избавлению Константинополя. Но ничтоже от них обрете помощи.

Такожде царь Мануил и патриарх[1594] послаша в Россию послов к великому князю Василию Димитриевичу, объявляющи таковое свое бедство и просящи помощи. Великий же князь, и митрополит московский Киприан[1595], и мнози князи уделныя, и чин духовный послаша многу казну в Константинополь с монахом Иродионом Ослебятем[1596].

Баозит же ратова Константинополь яко речеся, и конечно бы тогда взял Константинополь, аще бы || (л. 201) не имел опасения от немец и Вéнгерскаго кралевства: оттуду же посылаше воинство в Болгарскую и Боссенскую[1597] страны, иже прилежаху к Венгерскому кралевству. И мстящися смерти отца своего непрестанно войнами пустошаше их, и князя некоего болгарского убил, и иных под власть свою приведе, и в покое оставляющи дани возложи. Такожде помышляше ити войною на Венгерское кралевство.

Еже слышав краль Жигмунт [иже бысть потом цесарь римский][1598], хотящи забежати таковому его начинанию и избавити Болгарию от турков, собрав многое воинство венгров и прочих народов, изыде на султана Баозита[1599].

Баозит же, слышав сия, с яростию устремися на венгров, оставль Константинополь[1600]. И сошедшимъся[1601] воинством под градом Никополем[1602], бысть между ими презелная брань. И первое убо воспящают венгры турков[1603].

Баозит же обтекающи вся воя своя, утверждает их молением и прещением. «Аще, – рече, – нас победят, то и чада наша во острии меча будут. Уне есть нам единою зде умрети или победивши || (л. 201 об.) великая благая приобрести!»

Они же сими глаголы утвердившися, дерзости исполнишася, паче же попущением Божиим одоление приемлют и все воинство краля Жигимунта зелно побеждают: овии избиени быша, а иные в Дунае истопоша, яко едва сам краль незнатно бегством спасеся к реке Дунаю, идеже седши в малую ладиицу побежа Дунаем на Чорное море и оттуду в Константинополь прииде; а из Константинополя к острову Роди́су, а оттуду в Далматию. И тако скитающися по многим странам полн страха избегством здравия едва прииде в Венгерскую землю на престол свой.

Бысть сия брань лета 6904‑го. Баозит же по толикой христиан победе паки возвратися к Константинополю, и обляже[1604], и с надеждею[1605] скорейшаго взятия, и облежаше последи брани оныя чрез два лета[1606]. И конечно бы тогда обладал им, аще не бы господь Бог благоволил греком дати еще мало времяни ко исправлению. Ибо Темирь-Аксак, царь татарский, присла к Баозиту, дани и покорения прося.

Баозит же уповающи силе своей на брань противо || (л. 202) ему уготовася. И тако оставль Константинополь, всеми силами иде противу его. Некий же избранный советник советова Баозиту, да пошлет дары Темирь-Аксаку, глаголя: «Аще даси ему нечто, то он оставив тя инуде уклонится»[1607].

Баозит же ожесточися, яко фараон, не послуша совета онаго, но отвеща советнику тому: «Лучши ми есть победив его вся приобрести, или в мужестве умрети».

Советник же глагола ему: «Егда како господине мой во обоем погрешиши?» Баозит