Православный лечебник - А. Гопаченко

Об исцелении от недуга пьянства

Спаси, Господи, и помилуй рабов Твоих (имярек) словесами Божественнаго Евангелия Твоего, читаемыми о спасении рабов Твоих сих (имярек). Попали, Господи, терние всех согрешений их, вольных и невольных, и да вселится в них благодать Твоя, просвещающая, опаляющая, очищающая всего человека. Во имя Отца и Сына и Святаго Духа. Аминь.

Об исцелении от недуга пьянства – перед иконой Божией Матери «Неупиваемая чаша».

Об избавлении от винного запоя — мученику Вонифатию, 1 января; преподобному Моисею Мурину, 10 сентября.

Молитва святому мученику Вонифатию

О всесвятый Вонифатие, милостивый рабе милосерднаго Владыки! Услыши прибегающих к тебе, одержимых пагубным пристрастием к винопитию и, яко в своей земней жизни ты никогда не отказывал в помощи просящим тебе, тако и ныне избави сих несчастных (имена): некогда, Богомудре отче, град побил твой виноградник, ты же, воздав благодарение Богу, велел немногие сохранившиеся грозды положити в точило и позвати нищих, затем, взяв новое вино, ты разлил Его по каплям во вся сосуды, бывшие в епископии, и Бог, исполняющий молитву милостивых, совершил преславное чудо: вино в точиле умножилося и нищие наполнили сосуды своя: о святителю Божий! Како по молитве твоей умножилося вино для нужд церкви и для пользы бедных и убогих, тако ты, блаженне, уменьши его ныне тамо, где оно приносит вред, избави от пристрастия к нему предающихся постыдной страсти винопития (имена), исцели их от тяжкаго недуга, свободи от бесовскаго искушения, утверди их, слабых, дай им, немощным, крепость и силу благоуспешно перенести сие искушение, возврати их к здравой, трезвой жизни, направи их на путь труда, вложи в них стремление к трезвости и духовней бодрости, помози им, угодниче Божий Вонифатие, когда жажда вина станет жечь их гортань, уничтожи их пагубное желание, освежи их уста небесною прохладою, просвети их очи, постави их ноги на скале веры и надежды, дабы, оставив свое душевное пристрастие, влекущее за собою отлучение от Небеснаго Царства, они утвердилися во благочестии, удостоилися непостыдной мирной кончины и в вечном свете безконечнаго царства славы достойно прославляли Господа нашего Иисуса Христа со безначальным Его Отцем и с Пресвятым и Животворящим Духом во веки веков, аминь.

Об исцелении при увечьях, боли в руках — преподобному Иоанну Дамаскину.

Преподобный Иоанн жил в Сирии в VII–VIII вв., был великим составителем богослужебных последований. Правитель Дамаска по ложному навету велел отсечь ему руку, но после молитвы Иоанна к Божией Матери отсеченная рука вновь срослась.

Об исцелении при болезнях ног — св. праведнику Симеону Верхотурскому.

Праведник Симеон, несмотря на постоянные боли в ногах, пешком прошел из России в Сибирь; странствовал и юродствовал Христа ради в Приуралье и Западной Сибири, преставился ко Господу в 1642 г.

Об исцелении при параличе, при бессоннице — преподобному Александру Свирскому.

Преподобный Александр прославился при жизни в Карельской земле многими исцелениями, совершавшимися по его молитвам. Чудеса его связаны с исцелением расслабленных (парализованных), поэтому-то ему и молятся при параличе. Помогает преподобный Александр Свирский и тем, кто просит помощи при бессоннице, потере аппетита.

Об исцелении при горячке — св. апостолу Петру.

Тещу св. апостола Петра, как повествуется в Евангелии, исцелил от горячки Сам Иисус Христос.

Об исцелении при болезнях груди — святителю Димитрию, митрополиту Ростовскому.

Живший в XVII–XVIII вв. и бывший одним из образованнейших людей своего времени, святитель Димитрий сам страдал от грудной болезни и скончался от нее.

Об исцелении от гнойных ран — святителю Луке Крымскому.

Святитель Лука Крымский – выдающийся хирург XX в. Приняв в годы жесточайших гонений на Русскую Православную Церковь священнический, а впоследствии епископский сан, он не прекратил своей врачебной практики. Не было поистине ни одного человека, который бы, обратившись к Владыке, не получил бы помощи врачебной или денежной, но прежде всего духовной. И ныне к нему обращаются в различных болезнях, особенно быстро излечиваются по молитвам святителя-хирурга гнойные раны. Мощи святителя Луки находятся в г. Симферополе в Свято-Троицком кафедральном соборе.

Тропарь святителю Луке, глас 1

Возвестителю пути спасительного, исповеднике и архипастырю Крымския земли, истинный хранителю отеческих преданий, столпе непоколебимый православия наставнице, врачу богомудрый святителю Луко, Христа Спаса непрестанно моли веру непоколебиму православным даровати, и спасение, и велию милость.

О прогнании лукавых духов от людей и скотов — преподобному Нифонту, 5 января; мученику Трифону, 14 февраля; святителю Маруфу, епископу Месопотамскому, 1 марта.

Молитва святому мученику Трифону

О святый мучениче Христов Трифоне, скорый помощниче всем к тебе прибегающим, и молящымся пред святым твоим образом скоропослушный предстателю! Услыши ныне и на всякий час моление нас, почитающих святую память твою во всечестнем храме сем (созданием на похвалу святому имени твоему), и предстательствуй о нас пред Господем на всяком месте: ты бо, угодниче Христов, святый мучениче и чудотворче Трифоне, в великих чудесех возсиявый, прежде исхода твоего от жития сего тленнаго молился еси за ны ко Господу и испросил еси у Него дар сей: аще кто в коей-либо нужде, беде, печали и болезни душевней или телесней призывати начнет святое имя твое, той избавлен будет от всякаго прилога злаго: и якоже ты некогда дщерь цареву, во граде Риме от диавола мучиму, исцелил еси: сице и нас от лютых его козней сохрани во вся дни жития нашего, наипаче же в день последняго нашего издыхания предстательствуй о нас: буди нам тогда помощник, и скорый прогонитель лукавых духов, и к Царствию Небесному предводитель, иде-же ты ныне предстоиши с лики святых у престола Божия: моли Господа, да сподобит и нас причастники быта присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков.

Молитва на всякую немощь

Владыко Вседержителю, врачу душ и телес, смиряяй и возносяй, наказуяй и паки исцеляяй, брата нашего (имя) немощствующа посети милостию Твоею, простри мышцу Твою исполнену исцеления и врачбы, и исцели его, возставляй от одра и немощи, запрети духу немощи, остави от него всяку язву, всяку болезнь, всяку рану, всяку огневицу и трясавицу. И аще есть в нем согрешение или беззаконие, ослаби, остави, прости, Твоего ради человеколюбия.

В скорби или недуге

Спаси, Господи, и помилуй раба Твоего (имярек) словесами Божественного Евангелия Твоего, читаемыми о спасении раба

Твоего (имярек). Попали, Господи, терние всех согрешений его, и да вселится в него благодать Твоя, опаляющая, очищающая, освящающая всякого человека во Имя Отца и Сына и Святаго Духа. Аминь.

Об избавлении от потопления на воде, от разных бед и печалей — святителю Николаю Чудотворцу, 22 мая и 19 декабря.

Молитва святителю Николаю, архиепископу Мирликийскому

О добрый наш пастырю и Богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое: виждь нас немощных, отвсюду уловляемых, всякаго блага лишенных и умом от малодушия помраченных: потщися, угодниче Божий, не оставити нас в греховнем плену быти, да не будем в радость врагом нашим и не умрем в лукавых деяниих наших: моли о нас недостойных Содетеля нашего и Владыку, Емуже ты со безплотными лики предстойши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по Своей благости воздаст нам: на твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол, находящих на нас, и укроти волны страстей и бед, возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших: моли, святителю Христов Николае, Христа Бога нашего, да подаст нам мирное житие и оставление грехов, душам же нашым спасение и велию милость, ныне и присно и во веки веков.

Молитвы к Ангелу-хранителю

Можно молиться Ангелу-хранителю, а также тому святому, имя которого вы носите, ибо они являются вашими заступниками перед Богом.

Молитва ко святому Ангелу-хранителю

Святый Ангеле, предстояй окаянной моей души и страстной моей жизни, не остави мене грешнаго, ниже отступи от мене за невоздержание мое. Не даждь места лукавому демону обладати мною, насильством смертнаго сего телесе; укрепи бедствующую и худую мою руку и настави мя на путь спасения. Ей, святый Ангеле Божий, хранителю и покровителю окаянныя моея души и тела, вся мне прости, еликими тя оскорбих во вся дни живота моего, и аще что согреших в прешедшую нощь сию, покрый мя в настоящий день, и сохрани мя от всякаго искушения противнаго, да ни в коем гресе прогневаю Бога, и молися за мя ко Господу, да утвердит мя в страсе Своем, и достойна покажет мя раба Своея благости. Аминь.