Спаси и сохрани. Молитвы от бед и недугов, на счастье и благополучие - Татьяна Дешина

О, великий Христов угодниче, святый человече Божий Алексие, душею на Небеси Престолу Господню предстояй, на земли же данною ти свыше благодатию различная совершаяй чудеса! Призри милостивно на предстоящия святей иконе твоей люди, умиленно молящияся и просящия от тебе помощи и заступления. Простри молитвенно ко Господу Богу честнии руце твои и испроси нам от Него оставление согрешений наших вольных и невольных, в недузех страждущим исцеление, напаствуемым заступление, скорбящим утешение, бедствующим скорую помощь, всем же чтущим тя мирную и христианскую живота кончину и добрый ответ на Страшнем суде Христове. Ей, угодниче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да, твоими молитвами получивше благодать и милость от Господа, прославим человеколюбие Отца и Сына и Святаго Духа, в Троице славимаго и покланяемаго Бога, и твое святое заступление. Ныне и присно и во веки веков. Аминь.

Молитва от сребролюбия, обращенная к преподобномученикам Феодору и Василию Печерским

Согласно церковным преданиям, святой Феодор раздал свое имущество бедным и удалился в монастырь, где и поселился вместе со святым Василием. Много лет он вел праведную жизнь, но потом стал жалеть об утраченных богатствах. Однажды бес принял облик Василия и явился к святому Феодору, указав место, где разбойники зарыли сокровища. Феодор уже хотел было уйти из монастыря, но святой Василий вернулся, и бесовский обман был раскрыт, а святой покаялся. Русская православная церковь вспоминает этих святых 24 августа.

Преподобнии отцы Феодоре и Василие! Воззрите на нас милостивно и к земли приверженных возведите к высоте Небесней. Вы горе на Небеси, мы на земли низу, удалены от вас, не толико местом, елико грехми своими и беззаконии, но к вам прибегаем и взываем: наставите нас ходити путем вашим, вразумите и руководствуйте. Вся ваша святая жизнь бысть зерцалом всякия добродетели. Не престаните, угодницы Божии, о нас вопия ко Господу. Испросите предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрамите нас, к вам с верою притекающих. Вси православнии христиане, вашими чудесы исполненнии и милостями облагодетельствованнии, исповедуют вас быти своих покровителей и заступников. Явите древния милости ваша, и ихже отцем всепомоществовали есте, не отрините и нас, чад их, стопами их к вам шествующих. Предстояще всечестней иконе вашей, яко вам живым сущим, припадаем и молимся: приимите моления наша и вознесите их на жертвенник благоутробия Божия, да приимем вами благодать и благовременную в нуждех наших помощь. Укрепите наше малодушие и утвердите нас в вере, да несомненно уповаем получити вся благая от благосердия Владыки молитвами вашими. О, превеликие угодницы Божии! Всем нам, с верою притекающим к вам, помозите предстательством вашим ко Господу, и всех нас управите в мире и покаянии скончати живот наш и преселитися со упованием в блаженныя недра Авраамова, идеже вы радостно во трудех и подвизех ныне почиваете, прославляя со всеми святыми Бога, в Троице славимаго, Отца и Сына и Святаго Духа. Ныне и присно и во веки веков. Аминь.

Конец ознакомительного фрагмента.